نحوس عالفايسبوك عرضتني الابليكاسيون نتبادلو ، الحاجة الي شدتني ليها هوا اسمها ، الي مستوحى من الدارجة التونسية متاعنا قلت برا نصبها و نجربها
الفيديو هذا فيه طريقة استعمال الابليكاسيون هاذي
الابليكاسيون هاذي عبارة على موقع اجتماعي يجمع العباد الغرومين بتبادل الكتب و العاب الفيديو ، معناها كانك مغروم القراية و الا بالعاب الفيديو تنجم كتاب بعد ما قريتو تعديه لغرك يقراه و انتي تاخو كتاب جديد تقراه من غير ما تشريه ، نفس الشئ للعباد الي تشري لعب ، تنجم كي تقلق منها تعديها لشكون و تاخذ من عندو لعبة تلعب بيها
نفرح كي نرا منصة تبادل تونسية خإصة الظاهرة متع المشاركة غزت العالم من تشارك الكراهب و المساكن كيف اوبر و الا ار بي ان بي
الابليكاسيون هاذي موجودة عالاندرويد تنجمو تصبوها و تستعملوها
