نظّمت شركة أورنج تونس ومؤسسة يونس للأعمال الإجتماعية نهارت الخميس 07 سبتمبر 2017 حفل عطات فيه الجوائز متع البروجيات الرابحة في المسابقة الوطنية للباعث الإجتماعي في الدورة متاعها الثالثة.
و للعام السابع تدعم أورنج الشبان باش يبعثوا المشاريع الاجتماعية والتكنولوجية و الرابحين ياخذوا فلوس لمشروعهم و تأطير.
و لهنا تزيد تأكد اورنج على ارادتها بش تكون الشريك الاستراتيجي للانتقال الرقمي وشريك فاعل للمشاريع الناشئة التكنولوجية والاجتماعية.
المسابقة هاذي شاركوا فيها أكثر من 100 مترشح وصلو للفينال 7 ، قدمو مشاريعهم قدام لجنة متكونة من خبراء في بعث المشاريع والمالية والتسويق وتكنولوجيا المعلومات والاتصال .
.اللجنة هاذي اختارت 3 رابحين ،الجائزة الأولى 10 ملايين ربحتها سندة بكار بالبروجي Fablife ، إلي هيا أبلكسيون تعاونا باش نرزرفيو من الأنترنت أنشطة رياضية و صحية و نعرفو الادريسة متع البلايص ألي نجمو نعملو فيهم الأنشطة هاذم، سندة باش يعاونها سنتر اورنج للتطوير باش تقدم في مشروعها.
الجائزة الثانية 6 ملايين ربحها سيف الدين بزاينية بلأبلكسيون Dammi ألي تربط بن العباد و السبيطرات بش ألي يستحق دم ينجم يطلب من عند واحد مستعد بش يتبرع و تحسس المستعملين على أهمية التبرع بالدم.
الجائزة الثالثة 4 ملايين ربحها وجدي بن رجب بالسيت Efret.tnألي يربط شركات الشحن و المستعملين باش الكليون توصل قضيتو في وقتها والشريكة متع النقل تنقص من المصروف.
الرابحين الثلاثة ترشحوا للدور النهائي الدولي ، باش يتنافسو مع 51 مترشح من بلدان أخرى من إفريقيا والشرق الأوسط و ينجمو يربحو جوايز تتراوح بين 25 ألف يورو و 10 ألف يورو.، المسابقة هاذي باش يعلن على الرابحين فيها نهارت 8 نوفمبر في كاب تون في AfricaCom Awards.
باش تشارك في النسخة الثامنة للمسابقة هاذي ألي تتحل في فيفري 2018 أبعثو فكرتكم على RSE@orange.com
