شكون فينا ما تكسرلوش تاليفونو و الا بيسي متاعو و بقا حاير لشكون يهزو باش يصلحو ؟ زعمة صنايعي ؟ زعمة ثقة؟ زعمة اسوامو مناسبة؟
من وحي التجربة هاذي ، محمد امين العوني خمم في حاجة تنجم تحللنا المشكلة هاذي
Trustit.tnشبكة صلاحة ثقة و صنايعية تظمنهم شركة
الموقع هذا يمكنا باش نلقاو صلاح في حومتنا ، نجمو نعطيو فيه الثقة ، و نتهناو على تاليفونا و تصاورنا و كل شي فيه
باش تصلح تاليفونك و الا باش تقترح صلاح صنايعي صلحت عندو قبل و الا تعرفو ، ادخل للسيت ، تلقا فيه انواع المشكل الي تنجم تصير للتاليفون و بقداش تتصلح
في الفيديو هذا محمد امين العوني صاحب الفكرة هاذي يحكيلنا بالتفاصيل على مشروعو
محمد خليل
